Kibercinayətkarlıqla mübarizə barədə maarifləndirici tədbir keçirilib
Naxçıvan Muxtar Respublikası Gənclər və İdman Nazirliyində “Kiber cinayətkarlıq və ona qarşı mübarizə üsulları” mövzusunda tədbir keçirilib. Naxçıvan Muxtar Respublikası Prokurorluğunun təşkilatçılığı ilə reallaşan tədbirdə könüllü gənclər, nazirliyin, eyni zamanda tabeliyində və strukturunda olan təşkilatların əməkdaşları iştirak ediblər.
Nazirliyin şöbə müdiri Samir Oruclu giriş sözü ilə çıxış edərək mövzunun əhəmiyyətindən danışıb. Tədbirdə Prokurorluğun Hüquqi təminat və insan hüquqları məsələləri şöbəsinin rəisi baş ədliyyə müşaviri Faiq Səfərov, Naxçıvan Muxtar Respublikası Daxili İşlər Nazirliyinin əməkdaşı Əli Qasımlı və Naxçıvan Dövlət Universitetinin əməkdaşı Hüseyn Əsgərli mövzu ilə bağlı çıxış ediblər.
İştirakçıların mövzu ilə bağlı sualları ətraflı şəkildə cavablandırılıb.
